Esta fin de semana visitámo-lo sendeiro natural da Fervenza do Toxa-Mosteiro de Carboeiro, situado nos concellos de Silleda e Vila de Cruces (Pontevedra), na comarca do Deza.
O comezo da nosa ruta foi na Fervenza do Toxa, donde a pedra e a auga se funden ca luz e o son para crear unha obra maestra, un fermoso sendeiro no que o río Toxa desemboca no río Deza que nos sirveu de acompañante durante a maior parte do camiño ata o Mosteiro de Carboeiro, 12 kilómetros entre ida e volta.
Máis de 70 metros de salto de auga nos despediron da Fervenza do Toxa ata chegar a ponte de ferro que nos conduxo a praia fluvial de pedras o carón do río. Dende aquí, o sendeiro traza pequenos ascensos e caídas para atravesa-la aldea de Paradela (vaia cerdeiras nos agardou para o noso lecer....!) ata chegar o Balneario de Baños de Brea e toma-lo camiño medieval para chegar ascendendo dende a ponte románica ata o Mosteiro de Carboeiro. De volta puidemos tomar outra variante pasando polas aldeas de Reboredo e Merza e continuar ca nosa degustación de cereixas, uhmmmm....! para chegar novamente ó noso punto de orixe a través do sendeiro que leva a fervenza.
Os nosos acompañantes nesta ruta foron moi variados: dende troitas, merlos e lagartos das silvas grandes coma demos ata carballos, castaños, sobreiras, amieiros e acivros centenarios que quixeron ser testigos do noso camiñar e de ca nosa alma respirou natureza.
Entre todo o verde, o "musgo" tampouco non nos enganou.
Grazas, natureza....! Grazas
E mil grazas.....
E tende por certo o seguinte: Se a auga é a vida, a fervenza representa no Toxa a ledicia de vivir.
Firmado: Hutchinson
